英超:打吡战反胜 胃口返晒嚟 曼联大擦好「西」
英超:打吡战反胜 胃口返晒嚟 曼联大擦好「西」日期:2018-4-15 14:56:55
今晚英超尾场曼联主场迎战西布朗,红魔近期联赛走势唔错,取得5连胜之馀,其中4次仲开3球或以上,相反西布朗已经近9轮未赢过波,降班似乎已成定局,加上后场伤兵情况严重,呢场作客随时中门大开,中位数2.5球大盘走唔甩。

曼联欧联畀西维尔踢出局之后,球队将所有精力都摆落联赛同英足盃,表现即刻有起色,最把炮嘅肯定系上轮联赛喺落后情况下,最终3比2上演绝地反击,喺曼市打吡战击败死敌曼城,报番季中输波之仇,一吐乌气,仲向班魔迷证明球队实力同斗志都绝对冇问题。其中最抢眼嘅,肯定系大踢争气波嘅保罗普巴,上仗打吡大战,就系靠呢位法国中场嘅两球入波,拉开红魔反击嘅序幕,呢场佢有望延续呢股气势,成为红魔抢攻嘅利器。

西布朗抢分有前冇后

相反联赛榜包尾嘅西布朗,近期战绩颓到爆,早前领队柏杜仲因为咁畀叮走,近期球会仲炒埋技术总监,不过就算内部再乱再动荡,西布朗始终想抢分下季留番喺英超,最紧要都系入到波,好彩两大攻击手查迪尼同史杜列治都伤愈复出,相信佢的为护级肯定会抢攻,弊在后场多位主力,包括巴利同庄尼伊云斯都有伤缺阵,变相畀左对手红魔一班进攻好手发挥嘅机会,加上西布朗近5仗作客4次开3球或以上,呢场睇嚟入波都唔会少,中位数2.5球入球大值博。