法达斯维:修咸顿细守城池
法达斯维:修咸顿细守城池日期:2017-1-11 12:26:06

 

利物浦唔齐脚哑火

今晚上演另一场英格兰联赛盃4强首回合,由「圣人」修咸顿主场硬撼上届亚军利物浦。红军有快翼沙迪奥文尼出战非国盃而暂时离队,菲腊比古天奴近日已复操,但就算上阵都未够弗,火力大减,撞正於联赛盃擅施「守」术嘅修咸顿,唔慌多波入喇,一於捧中位数2.5球嘅1.72倍入球细。

古天奴复出未必够弗

利物浦今季表现突出,同前线「3叉戟」菲腊比古天奴、罗拔图法明奴及沙迪奥文尼火力全开不无关系,单计联赛红军已轰入48粒,喺英超冠绝群雄,3叉戟就包办当中20球,不过古天奴因伤缺阵左成个月有多,主帅高普赛前话会畀佢今晚落场踢几分鐘,為下仗联赛「双红会」作客曼联做热身,但相信出得都未必够弗。至於沙迪奥文尼依家要為塞内加尔出战非洲国家盃而暂时离队,另一箭头罗拔图法明奴近期亦表现下滑,红军火力大减。利物浦日前先喺足总盃主场对乙组仔普利茅夫,初头派大批新仔上阵,点知留力留出祸,攻极都唔入,其后换入罗拔图法明奴、史杜列治及拉尔拉拿等主力,但為时已晚最终打和0比0,搞到要择日重赛,睇得出红军攻力出左问题。

圣人联赛盃3战不失

另一边厢,修咸顿续有箭头查理柯士甸因伤倦勤,今仗主场遇强必定先做好防守,「圣人」今届联赛盃非常守得,之前3仗赢晒兼保持冇失波,全部总入球都少过3球,包括8强作客赢另一劲旅阿仙奴2比0,证明防线顶得两嘴,近期演出略见「哑火」嘅利物浦,要攻破「圣人铁闸」绝非易事,就算赢都系小胜居多,不如改捧中位数2.5球嘅1.72倍入球细更划算。